Hüratä
Sonä speziellä Tag mit soo unglaublich vielä «magic Moments» und es Füürwärch voller Emotionä.
Genau das isch das, wonich wett i Bilder festhebä.
Für mich isch Authentizität s’A und O a dem grossä Tag. Je meh Individualität umso intensiver.
Eifach sinä Vorstelligä döfe nachä gah, egal öb iär ä Trauuig im Garte oder im Wald duräfüährid, idä Schwiiz oder im Usland ich begleitä üch sehr gäre rund um der grossi Tag mit minärä Kamera.
«Du hesch en grosse Teil dezue biitreit, üse schönschti Tag unvergesslich z mache. So vieli wunderbari und emotionali Moment hesch du vo üsem Hochsig igfange. Danke vielmal für diis grosse Engagement und diin unermüedliche Isatz über de ganzi Tag. Es isch so schön, wenn mir üsi Föteli alueged und a üse perfekti Tag dörfed zrugg denke.»
«Üsä schönsti Tag hend miär dank dä Nina und de Tanja (Secondshooter) nid nur im Härz in Erinnerig, sondern ai uf all denä wundervollä Bilder. Diä zwei hend üsäs Hochziit so genial begleitet und au jedä Augäblick chennä iifah, so dass miär üs jedes Mal bim aluägä, grad wieder zu däm Tag zrugg versetzt fühled. Für üs und üsi Gäscht isch das s’Traum Fotografepaar und jedä und ei Gascht hed sich bi ihnä total wohl gfühlt vor dä Kamera. Miär hend so viel Spass gha vor dä Kamera und a denä Fotos gseht mer das Ungezwungene vo allne Gäscht eifach a. »
«Scho wo s Datum vo üsäm Hochsig gstandä isch, isch für üs klar gsi, dass d Nina üs mues mit ihrä Kamera begleitä. Sie macht das mit sooo viel Herzbluet und so herrlich unkompliziert das nöd nur mir sondern au alli üsi Gäscht gern vor ihri Kamera sind. S Album vo ihrä isch eifach unglaublich schön wordä und mir luegeds gern a zum a de grandiosi Tag zrugg z dänke.»
«Vu afang ah isches für üs klar gsi das mir im winter wänd hürate, nuch besser wen den d fotigrafin au voll der wintertyp isch… ? jedoch händ mir im dorf wunderbars föhnwättr ka. Umso meh händ mir üs gfreuit womer is wunderschünä berhotel mettmä chu sind, wo sich im winter wunderland präsentiert hät… Mir danked dir tuusig liebi Nina, dass du so bezauberndi augäbligg mit dinerä kamera igfangä häsch und ganz ä hufä erinnerigä häsch chänä schaffä, womä a dem bsunderigä tag fascht nüd chu wahr nii, will alles so schnäll verbii gaht… Au danked mir dir für din super iisatz, we du üs begleitet hesch und immer widermal en super tipp gii häsch dur dini erfahrig, definitiv ä rundum service. »
«Mir hend eus riiisig gfreut, het d Nina a eusem Hochzitstag chönnä debi si und de schönsti Tag i Bilder festhalte. Sie het wieder einisch meh für üs wunderschöni Fotis gmacht wo eus so viel bedütet und a dä hammer Tag erinneret. Au alli Gäst sind vo ihre begeisteret gsi. Mit ihrere Freud und ihrem Wese verzauberet sie alli und mer chan sie eifach nume gern ha. »
«De Nina ihri natürlichi und härzlichi Persöndlichkeit isch eifach einzigartig, und drum bini überglücklich gsi si us Hochzitsfotografin derfä dabie zha.»
