Diä chlinä Chnöpf
Im Buuch voller erwartig – s’Glück vom Wunder s’erschtä mal döfe „be“ grifä und döfe acho und mit jedem Chnopfdruck s’chlinä Familiäglück chönne festzhaltä.
«Au mit dä ganz Chlinä isch d Nina riesig grossartig. Sie hät üsä chli Schatz mit nur 1 Wuchä i ihrem Studio gföteled. Will d Nina top vorbereitet gsi isch, hät sich üsä Henry pudelwohl gfühlt und i ihrnä tollä Chleidli eifach zum abissä usgseh! D Bilder sind eifach nur wunderwunderschön wordä.»
«Üses 6 Täg jungä Schätzi hed sich sehr wohl gfühlt im Studio vo dä Nina. Ihri ruhigi und erfahreni Art heds gschafft, dass mier eimalig schöni Bilder vo üsem Baby hend derfä machä. Sie hed üs als frisch gebackeni Familie alli Ziit vo de Wält gä zum Umzieh (übrigens total schnusigi Chleidigsstück!), zum Stillä und zum Schmüsele, sodass für niemert en Stress ufcho isch. Ihri fiin Hand hed genau gwüsst wie mer es neugebornigs Baby in Position bringt. Mier sind so dankbar für die schön Erinnerig!»
«Mit dinere ruhige, liebevolle und geduldige Art hesch du üsi chlii Muus willkomme gheisse. Au s Mami und de Papi hend sich bi dir sofort wohl gfühlt. Ohni Druck und Stress hesch es du gschafft so vieli wunderschöni Föteli vo üsere Chliine und de Familie festzhalte. Danke vielmal für din liebevolle Isatz.»
«Für üs isch absolut klar gsi, dass mer d Nina wieder werdet bueche wenn eusi zwei Wunder uf de Welt sind. Ich weiss ned wie sie das macht, aber sogar die chliine Zwerglis fühled sich mega wohl bi ihre. So behuetsam wie sie mit ihne umgaht, mit so viel Rueh und Wärmi. Mir sind eifach so dankbar so tolli Erinnerige für eus aber au spöter für die zwei Jungs döfe z‘ha. Danke vo eus allne vier!»
