Verliäbti
Ä verliäbtä Blick id d’Augä vo dim Liäblingsmänsch – Bi üch deheimä oder idä Natur a üchem Liäblingsplatz.
Das woniär zämä hend, i Bilder döfe festzhaltä, isch für mich Ä grossi Freuid.
«Frisch verlobt und total verliäbt, sind miär im Spatsummer vor dä Nina ihrerä Kamera glandet. Miär hend nu niä zämä äs Shooting gmacht und hend absolut kei Erfahrig gha. Dank de Nina ihrerä liäbäswärtä und professionellä Art, hend miär vo üs unglaiblich autentischi Fotos anäbracht. D’Nina hed üs so härzlich agleitet und mer hend üs vom erstä Momänt a wohl gfühlt vor dä Kamera.»
«Zerscht hesch du scho mal s perfekte Plätzli für üse Hindergrund gfunde. Dur dini Natürlichkeit und Lockerheit hend mir üs vor dinere Kamera sofort wohl gfühlt und üs chönne so geh wie mir sind. Mir sind überwältigt xi vo dine Künscht und d Vorfreud ufs Hochsig isch no grösser worde.»
«Nina schaffts eifach Site a eim hervorzzaubere wo mer selber ned mal kennt. Ihri Föteli sind eifach so natürlich und au jede Ort suecht sie mit liebi us. Sie het eusi Liebi mit klicks igfange, eifach unbezahlbar! Für üs gits kei anderi Fotografin mit so viel Herzbluet für ihre Bruef. Jedes Mal wieder werdet mer d Nina für üsi Föteli wähle. Danke tuuusig für alles.»
«Danke villmal liäbi Nina für dini ufgschlossni Art und dini für eus Hammer Föteli. Für eus bisch du grad wie e gueti Fründin gsi und händ eus meh als nume Wohl gfühlt! Sisch sicher nöd sletschtmal gsi, womer bi dir vor de Linse gsi sind. Danke 1000 mal!»
«Mir sind Fans vo de erstä Stund vo de Nina ihrä Bilder, a dem schönä Früehligsabig hät d Nina nur so gsprudläd vor Ideä und s Resultat isch eifach dä Wahnsinn wordä. Mit ihre professionellä aber super unkompliziertä lockere Art isch s Shooting total entspannt gsi und jedes einzelne Bild en Traum.»
