Gstalterischs
Vo A – Z döfe mitentwicklä und es Konzept z’erarbeitä, isch eini vo minä Liäblingsufgabä.
Bide Illadigs- und Dankeskarte für d’Hochziit hilf ich gäre ä einmaligi Charte und es Konzpet z’gstaltä.
Bide verkündig vomä nüüä Familiemitglied nach de Geburt, freu ich mich ganz bsunders, diä tolli Botschaft zäme mit Bilder inä wunderschöini Charte z’verpacke.
«Scho bim erschte Gspräch hend mir gwüsst, dass du genau die richtig Fotografin für üs bisch. Dur dini ufmerksami Art hesch du genau usegspürt, was zu üs passt und was üs gfallt. Mit dine Entwürf und Ideeä hesch du üs vo Afang a umghaue.»
«Es Chärtli vo de Nina erkännt mer sofort wänn mers ide Hand hät, jedes isch es Unikat wo für sich spricht. D Nina gstalted die Chärtli mit wunderschöne Bilder vo ihrä und gaaanz viel Kreativität so liebevoll bis s perfektä Chärtli entstaht. Mir händ soo viel Komplimänt für all die tollä Chärtli übercho wo d Nina für üs gmacht hät und luegäds immer no so gern a. »
«In Sachä Fotografie und ai Gstaltig vom Hochziitschärtli isch d’Nina äs Genie! Ä Künstleri, wo ihres Handwärch blindlinks verstaht! Sie gaht uf alli Wünsch ii und hed sälber so tolli Ideeä. Üs gfallt d’Art, wenn vo A bis Z alles zämä passt. Vo dä Gschicht ufem Foto, über d’Farb und d’Art vom Chärtli bis zu dä verschiedene Gstaltigselemänt wo ufem Chärtli nu dezuä chömed. »
«Ich han mis Logo «Fiingfühl» unbedingt bide Nina wellä la machä la. Mir isch klar gsi,dass sie genau es Logo für mich wird gfindä wo eis zu eis zu mir wird passä. Mir sind sehr begeisteret vu ihrer herzlich Art und ihres Aug für jedes Teteil. EIFACH SEHR KOMPETENT! Sie isch ä Sunneschy…immer guet druf und ihri fröhlichi Art steckt eim ah.Ich bin sehr dankbar und happy, dass DNina mich bi dem Bereich au wieder voll verzauberet hät mit ihrer kreative,herzliche und kompetente Beratig und Arbet. »
