Winter Wedding Nathalie & Marc

Ich liäbä Winterhochziite so unglaublich fescht! Und die hend d Tanja als second Shooterin und ich im letschtä Jahr döfe begleitä! Was fürnä fantastischä Tag in Breil/Brigels im Bündnerland isch das gsi… s hed eifach alles perfekt gstummä und de Momänt wo die beide sich z erscht mal gseh hend. I LOVE IT! Getting Ready und First Look isch öbis wunderbars zum i Tag startä!

Nachere unglaublich schöinä Trauuig i dem wunderschöinä Chiläli mit gaaanz viel Emotionä, hend miär diä letschtä Sunnästrahle gnützt und es paar traumhafti Bilder im Abigliächt gmacht. Im Aschluss hed d Hochziitsfiir im wunderschöinä Hotel LA VAL stattgfundä. Das Dörfli hed esoo viel Charme dasses eifach e Traum gsi isch üchi Hochziit döfe z begleitä! Danke viel viel mal Nathalie und Marc für üchäs Vertruuä!!!